Сот азаматтарды оңай алдауға түсірудің әдісін анықтады

Ақтау тұрғындары айыппұл тұрағында тұрған автокөліктерін оңай жолмен аламыз деп, алаяқтың арбауына түсіп қалған. Сондай-ақ, алаяқ азаматтардан автокөлікке арзан бағада жабдықтар алып беретінін айтып, алдап соққан, деп Маңғыстау облыстық сотының ресми сайтына сілтеме жасап, ИнАктау хабарлайды. 

Сотталушы бір айдың ішінде бірнеше рет 5 бірдей жəбірленушінің сеніміне кіріп, қасақана, пайдақорлық ниетпен оларға айыппұл тұрағында тұрған, автокөлікті алып бере алатын және автокөліктерге жабдықтарды арзан бағаға алып бере алатындығын алдап айтып, 1 041 000 теңге материалдық шығын келтірген. 

Ақтау қалалық сотының үкімімен ҚР ҚК-нің 190-бабының 2- бөлігінің 2-тармағымен кінәлі деп танылып, заңсыз жолмен табылған қаражатқа сатып алынған мүлкі тәркіленіп, оған 1 жыл 6 айға бас бостандығын айыру жазасы тағайындалды.