Жаңаөзенде қарақал адамдарға шабуылдады

Жаңаөзен қаласындағы №4 мұнай өндіру басқармасының екі жұмысшысын жабайы жануар тістеп алған, деп хабарлайды ИнАктау.

Жаңаөзен қалалық №1 емханасының өкілдерінің айтуынша, оқиға 27-ші қаңтар күні орын алған. Зардап шеккен ер адам мен әйел адам сағат 18:45 шамасында медициналық мекемеге келген.

"Зардап шеккен 1984 жылы туылған әйелді жануар тістеп, тырнап алған. Жануар киімнің сыртынан тістеген. Жарасын дауалап, құтырмаға қарсы екпе салдық. 1961 жылы туылған ер адамды медицналық тексеруден өткізіп, оны үйіне жібердік. Оны тістемеген",- деп хабарлады емхана өкілдері.

Зардап шегушілердің айтуынша, қарақал оларға кенеттен тап берген. Олар өздерінің қалай маман қалғандарына таң қалып отыр. Болжамдарынша, жабайы жануар буаз болуы мүмкін.

Куәгерлердің жіберген видеосынан жабайы мысықты жұмысшылардың өздері ұстап алғандары байқалады. Қызыл кітапқа енген жабайы жануарды оқиға болғанан кейін қайда жібергендері белгісіз.