Үнемі кітапты оқу жаңа ақпарат алумен қатар, мидың жұмыс істеуін жақсартады. Бұл эмоционалды зияткерлікті арттырады, фактілерді жақсы есте сақтауға көмектеседі, сонымен қатар күрделі мәселелердің балама шешімдерін тиімді іздеуге үйретеді. Жаңа технологиялардың дамуымен дәстүрлі кітаптарды электронды түрде оқу мүмкіндігі бар, мысалы, көптеген кітаптар қазақша жинақталған adebiportal.kz порталынан оқуыңызға болады.
Кітап оқу бойымызда нені дамытады?
Оқу жазбаша сөйлеуді қабылдау мен түсінуден тұратын рецептивті сөйлеу әрекеті ретінде қарастырылады. Кітаптарды үнемі оқудың бірнеше себептері бар:
- сөздік қорды арттырады;
- өзіне деген сенімділікті арттырады;
- Альцгеймер ауруынан қорғайды;
- күйзелісті азайтады;
- есте сақтау мен ойлауды дамытады;
- шығармашылық қабілеттерді қалыптастырады.
Оқу кезінде ауызша сөйлеуді қабылдаудан айырмашылығы, ақпарат есту арқылы емес, көру арнасы арқылы келеді. Көркем әдебиетті оқу кезінде шығармадан өмірдің нақты мысалдарын байқаймыз, сондықтан ол бүкіл әлемде өте танымал. Адам оқу барысында кітапта жазылған барлық сәттерді, оқиғалар мен кейіпкерлерді елестету арқылы өзінің жан-дүниесімен қабылдайды. Көркем шығармаларды оқу арқылы адам мен оның мінезін жақсы түсінуге болады, осылайша кітапті оқу күнделікті өмірде көмектеседі.
Кітап оқу миға қалай әсер етеді?
Кітапты оқу процесінде адам миының шамамен 17 аймағы жұмыс істейді. Олардың әрқайсысы өз саласына жауап береді: біреуі көзбен қабылдайды, екіншісі дыбыстар мен әріптерді байланыстырады, үшіншісі оқылғанның мағынасын түсінеді.
Кітап оқу үдерісі мидың тіпті жүйке талшықтарының мөлшерінің ұлғаюына әкеледі, яғни сұр және ақ заттардың тиімділігі артады. Оқу мидың бірнеше функционалдығын қамтиды, соның ішінде визуалды және аудио үдерістер, фонемалық тану, еркін оқу қабілеті, түсіну және т. б. Жүрек соғу жылдамдығын бәсеңдетіп, бұлшықет кернеуін төмендету үшін кітап оқудың 6 минуты жеткілікті екендігі белгілі. Сонымен қатар, кітап оқу танымдық құлдырауды бәсеңдетуге және танымдық бұзылулардың ауыр түрлерін болдырмайды.